Молитва перед Боголюбской иконой Пресвятой Богородицы.

О, Пречистая госпоже Богородице, Мати Боголюбивая, надеждо нашего спасения! Воззри милостиво на предстоящий с верою и любовию и покланяющияся Пречистому образу Твоему: приими наше хвалебное пение сие и пролей теплую Твою молитву о нас грешных ко Господу, да, презрев вся наша согрешения, спасет и помилует нас. О, Предивная Владычице, молим Тя умиленно, избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеносного грома, от запаления огненного, от глада, труса, потопа и смертоносныя язвы; подай нам Свою милостивую помощь на пути, в мори и на суше, да не погибнем люте. О, Всемилостивая, Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и Твоим заступничеством и ходатайством у Господа подаждь нам отраду, утешение, защиту и помощь! Вечно славим и величаем преблагословенное и всепетое имя Твое.

Аминь!

Вернуться в Библиотеку

Вернуться к Молитвам Пресвятой Богородице