 |
 |
 |
 |
 |
 |
| |||||
|
|
| |||
|
|||||
| |||||
|
Молитва перед Иверской иконой Пресвятой Богородицы. Молитва первая. О Пресвятая Дево, Мати Господа, Царице Небесе и земли! Вонми многоболезненному воздыханию душ наших призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати, всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь Молитва вторая. О, Пресвятая Госпоже Владычице Богородице, приими недостойную молитву нашу, и сохрани нас от навета злых человек и от напрасныя смерти, и даруй нам прежде конца покаяние, на моление наше умилосердися, и радость в печали место даруй. И избави нас, Госпоже, от всякия беды и напасти, скорби и печали и от всякаго зла. И сподоби нас, грешных рабов Твоих, одесную стати во втором пришествии Сына Твоего Христа Бога нашего, и наследники нас быта сподоби Царствия Небеснаго и жизни вечныя, со всеми святыми в безконечныя веки веков. Аминь Акафист Пресвятой Богородице перед Ея иконой, именуемой "Иверская". Тропарь Пресвятой Богородице перед иконой, именуемой "Иверская". Иверская икона Пресвятой Богородицы. |
 |
|
